KANYERI NU NYELEKIT

        Basa abdi kelas 1 smp abdi gaduh rerencangan nu apet pisan sareng abdi. Namina teh Indah Nurhafitri ,eta budakna teh geulis ,bageur ,tur pinter deui. Pami kamamana teh abdi sareng indah teh sok sasarengan wae. Sok ngarasakeun peurih jeung resepna babarengan ,pami aya cocobi anu nimpa sok silih jempe silih ngabantuan milarian kumaha jalan kaluarna. Tiap-tiap abdi ngerjakeun tugas sok dikerjakeun babarengan silih bantu. Tapi ,pas abi kelas 1 semester 2 abdi sabangku sareng anjeunna. Abdi sareng Indah teh tos sapertos wargi nyalira. Pas basa eta teh abi nuju teu arenak hate ,jaba hoyongna teh cicing we ngobrol ge asa ku hoream. Pas Indah naros teh abdi nyentak anjeunna da eta ge bari teu kahaja da abdina ongkoh nuju teu parurun ngobrol. Pas siang-siangna abdi gentos acuk abdi bade ameng ka bumi Indah anu aya di Babakan Pangandaran caket SMA 1 Pangandaran. Pas nembe pisan bade angkat ai pek aya nu nelpon tuang indung Indah ,saurna teh Indah tabrakan di babakan caket panca logam. Hate teh langsung nyelekit pas ngadangu eta ,hate teu ngeunah teh mereun ku enya bakal aya kajadian kitu kusabab abdi sareng Indah Nurhafitri mah sok sahate wae ,pami abdi udur anjeunna ge pasti udur. Pas enjingna teh aya kabar deui cenah mun Indah teh Pupus di jalan teu katulungan ku sabab sababaraha rumah sakit tos teu aya nu wantuneun ngobatan. Eta hate nyerina asa dikumahakeun ,abdi langsung we angkat ka bumina Indah. Abdi sajajalan naek motor jiga nu teu eling ongkoh da reuwas tea ,abdi ngantosan jasad Indah dianterkeun ka bumina ge asa nu tos teu kiat pas ngadangu mobil ambulan sumping ge. Pas jasad Indah dikaluarkeun tina mobil abdi ngabantuan ngadorong jasad Indah dugi ka tengan bumi. Ku abdi di cepeng eta nu carecetna hiji-hiji. Eta meni tiis awakna teh ,abdi teu eureun-eureun nyengceurikkannana ,basa diibakan abi gigireunana abdi pingsan sababaraha kali kusabab teu kita jeung teu percanten deui boh Indah teh tos teu aya. Basa Indah dikuburkeun nyerina hate abi bari ngaurugan taneuh. Saatos sababara bulan Indah pupus abdi teu weleh abdi jiarah ka makam indah bari ceurik ge hate. Saking ku nyaahna abdi sering kasumpingan ku Indah pami abdi nuju ngahuleng eta ge bari satengah sadar satengah henteu. Abdi kasumpingan Indah basa abdi nuju ngahuleung dikamar nyalira jam satengah 9 eta poe harita oge abdi langsung ka makamna Indah ,abdi teu mikir eta tos wengi ge nu penting mah abdi teu hayoh wae kapikiran Indah. Abdi ka makamna ge direncangan ku rerencangan nu lainna oge ,sareng harri ,mayang ,ari. Tos ngan opatan eta oge. Tah samet tidinya Indah tara aya deui nyumpingan abdi ,panginten hari eta teh hari terakhir abdi pependak dina lamunan abdi. panginten sakitu wae caritaan abdi.